Svefnherbergin eru á sameiginlegum gangi í vistálmu. Fyrir enda gangsins er komið inn í litla bókastofu sem snýr í suður en þar er gott að setjast niður með bók og kaffi eða til að spjalla í tveimur þægilegum sófum sem hana prýða.

Í húsinu geta dvalið samtals 6 - 8 einstaklingar samtímis. Tvö tveggja manna og tvö eins manns herbergi eru til leigu. Öll herbergin eru björt með góðu útsýni og tilvalin til skrifta og íhugunar.

Eldhúsið er fullbúið öllum tækjum til eldamennsku, ísskáp, eldavél, bakaraofni, örbylgjuofni, og uppþvottavél. Gott pláss er til að athafna sig við eldamennsku og máltíðir þar sem bæði er að finna borðpláss á eldhúseyju sem og við borðstofuborð.

Tvö salerni eru í húsinu og ein sturta. Í þvottahúsi er bæði þvottavél og þurrkari og útisnúrur við húsið.